Компьютерийн хэрэглээ 
Орчин үед мэдээллийн технологи маш өргөн нэвтрэн орж бидний өдөр тутмын амьдралын хэрэглээ болсон байна. Та бид нэг өдрийг компьютер, гар утас, интернэт ашиглахгүйгээр өнгөрөөх боломжгүй болсоор байна. Компьютерийн хэрэглээ-1,2 хичээлүүдийг үзсэнээр компьютер, мэдээллийн технологийн анхан шатны мэдлэгтэй болж, өдөр тутмын амьдралд зайлшгүй хэрэглэгддэг хэрэглээний програмуудыг эзэмшинэ. Тухайн 2 хичээлээр Олон улсын компьютерийн боловсролын гэрчилгээ олгох-International Computer Driving Licence (ICDL) сургалтын стандартын дагуу 7 модулийг эзэмшүүлдэг.  Иймд тухайн 2 хичээлийг бүрэн, сайтар эзэмшсэн тохиолдолд олон улсад хүлээн зөвшөөрөгддөг компьютерийн мэдлэгийн ICDL-ийн гэрчилгээ авах боломжтой юм. ICDL-ийн сургалтаар дараах модулиудыг үздэг. Үүнд:
 Module 1 - Concepts of ICT –Мэдээллийн Технологи  

• ·         Техник хангамж – Hardware
• ·         Программ хангамж - Software
• ·         Сүлжээ – Network
• ·         Эрүүл ахуй, зохистой хэрэглээ - Health, usage Компьютерийн хэрэглээ-1 хичээлийг үзсэнээр компьютерийн анхан шатны мэдлэг олгож, хэрэглээний програмуудыг өөрийн үйл ажиллагаанд ашиглах, цаашид хэрэглээний програм бие даан судлах чадвартай болно. Компьютер түүний ерөнхий бүтэц, дагалдах техник хэрэгсэл, тэдгээрийн зохион байгуулалт, гүйцэтгэх үүрэг мөн Windows үйлдлийн системийн тохиргоо, Windows системийн үндсэн програмууд, Office-ийн өдөр тутам хэрэглэгддэг хэрэглээний програмуудын талаар үзэж судлах бөгөөд үзсэн мэдлэг дээрээ тулгуурлан Windows үйлдлийн систем болон шинэ хэрэглээний програм суулгах, хэрэглээний програмуудыг ашиглах, компьютерийн эд ангийг ялгаж таних, угсрах чадвартай болно.   Компьютерийн хэрэглээ-2 хичээлээр Өгөгдлийн сан удирдах, илтгэл бэлдэх програмууд болох Outlook, Access хэрэглээний программуудыг бүрэн ашиглах чадвар болон компьютерийг сүлжээнд холбох, интернетэд ажиллах чадварыг эзэмшүүлнэ.  
  Орчин үед өгөгдлийн хэмжээ ихэсч, өгөгдлүүдээс гарган авах тайлан мэдээлэл нь нарийн мэдлэг, боловсруулалт хийхийг шаардаж байна. Иймд байгууллага бүр өөрийн үйл ажиллагаатай холбоотой өгөгдлийн сан үүсгэж, удирдах асуудал тулгарч байна. Өгөгдлийн сан гэдэг нь хоорондоо уялдаа холбоо бүхий мэдээллүүдийн цуглуулга юм. Жишээ нь:
  
• •      Номын сангийн үйлчилгээний систем,
• •      Оюутны хичээл сонголтын систем,
• •      Бараа бүтээгдхүүний борлуулалтын систем,
• •      Иргэний бүртгэл мэдээллийн систем гэх мэт

Ямарваа нэгэн мэдээллийг компьютерт оновчтой зохион байгуулж хадгалах, богино хугацаанд боловсруулах, их хэмжээний мэдээлэлтэй ажиллах нүсэр үйлдлийг хялбарчилж хөнгөвчлөх олон янзын програм байдаг. Эдгээрээс бид MSAccess 2010 програмыг судлах ба үйлчлүүлэгч, бүтээгдхүүн, худалдагч, албан хаагчид, төсөл төлөвлөгөө  болон худалдаа гэх мэт хоорондоо холбоотой мэдээллүүдэд зохион байгуулагдаж болох өгөгдлүүдийг зохицуулахад ашиглагддаг гөгөдлийн сан удирдах хамгийн түгээмэл хэрэглэгддэг програм хангамж юм. 
Зураг төслийн автоматжуулалт 
AutoCAD програм нь архитектур, инженерийн зургийг хавтгайд болон огторгуйд зурж  боловсруулахад хамгийн өргөн хэрэглэгдэж байгаа систем юм. Америкийн AutoDesk компаниас анх 1980-аад онд гаргаж байсан уг програм одоо архитектор, барилга, механикийн зэрэг инженерүүдэд зориулан маш олон чиглэл болон хөгжиж байна.  
Зураг төслийн автоматжуулалт хичээлээр AutoCAD програмын хамгийн сүүлийн үеийн хувилбар болох AutoCAD2011 програмыг судлана.
Тухайн хичээлийг үзсэнээр Зураг төслийн програмын тусламжтай инженерийн зураг төслийн 2 болон 3 хэмжээстэд зурж боловсруулах цаашлаад ямар ч зураг төслийн програм дээр ажиллах дадал, чадвартай болно. Уг хичээл нь дараах үндсэн бүлгүүдийг агуулна. Үүнд:
 1.    AutoCAD програмын орчин (Зургийн муж, хэрэглэгчийн интерфейс,  командын мужтай ажиллах, AutoCAD-ын орчинд зургийг масштаблах, дүрслэгдэх талбайг тодорхойлох, дэлгэц удирдах, цэгийн координат оруулах)
http://e-book.must.edu.mn/lecture/show/id/814